معلومات عن مسجد عمر ابن العاص

كتب-احمد وائل

المقدمة

اهلا بيكم اصدقائي عاملين ايه يارب تكونو بخير فى موضوعنا النهاردة هنكلم عن اول جامع يتبنى فى قارة افريقيا فى مصر الجامع ده اللى بناه القائد عمرو بن العاص فى مصر وهو مسجد عمرو بن العاص .

معلومات عن المسجد

فى البداية كدا خلينا نقول ان الجامع ده اتبنى بعد ما فتح المسلمين مصر سنة 641 والمسجد اتبنى بعديها بسنة سنة 642 الجامع ده اتبنى فى مدينة الفسطاط  والجامع ده لسة بيعتبر لحد النهاردة من اهم الجوامع فى مصر وبتتقام فى الصلاوات الخمسة وكمان بيتفتح للسياح والزوار والجامع الاصلى كان بسيط ومن غير عواميد مسلحة والسقف كان عبارة عن جريد النخل وخشب

وطوله كان 29 متر وعرضه 17 متر والجامع اتهد واتدمر واتعاد بنايته كذا مرة على مر التاريخ لدرجة انه دلوقتر من الصعب انك تحدد شكل ومواصفات الجامع الاصلى.

والجامع ده عاش اكتر من 13 قرن  من التغيرات اذ انو اتنشأ متواضع بعد كدا ازدهر وفى سنة 673م امر الخليفة معاوية بن ابى سفيان مسلمة بن مخلد الانصارى والى مصر انو يعيد بنايته بالكامل من تانى وكان اول مرة يتعمله اربع مئاذن فى اركان الجامع الاربعة و اتزودت مساحة الجامع الكلية للضعف.

شاهد ايضا

 معلومات عن الجامع الأزهر الشريف

من هنا

وعلى اليوتيوب 

من هنا

معلومات عن مسجد الحاكم بأمر الله

من هنا وعلى اليوتيوب من هنا

وفى سنة 698م امر الخليفة عب العزيز بن مروان بهدمو بالكامل واعادة بنائه مرة تانية

ولما الحملات الصليبية كانت جيه على بلاد المسلمين خاف وزير مصر على المسجد فقام بحرق الفسطاط كلها علشان الصليبين ميدخولهاش بما فيها جامع عمرو بن العاص واللى حصله ضرر كبير

وبعد كدا فى سنة 837 اتعاد بنايتة على ايد العباسيين وضعافو مسحته تانى وكمان صلاح الدين عمله ترميم شامل سنة 1172 والمبنى الحالى للجامع اتبنى فى القرن السعتاشر ولسة محتفظ ببعض التصاميم والزخارف القديمة اللى اتضافتله على مر التاريخ

ولما اتنشأ الجامع كان عبارة عن مركز للحكم ونواة للدعوة للدين الاسلامى و كان الموقع اللى اختاره عمرو بن العاص للمسجد كان بيطل على النيل فى الوقت ده وكان بيشرف على حصن بابليون والجامع عبارة عن صحن واسع مكشوف بتحيط بيه اربع اروقة ومن اكبر الاروقة دى هى رواق القبلة وموجود فى صدر رواق القبلة محرابين مجوفين موجدو جنب كل منهم منبر خشبى وكمان موجود بجدار القبلة لوحتين برجعو للعصر المملوكى وموجود بالركن الشمالى الشرقى لرواق القبلة قبة ضريحية بتعود تاريخها لعبد الله بن عمرو بن العاص اما صحن الجامع فبتتوسطه قبة على 8 اعمدة رخامية مستديرة وبتتوسطه المضيأه

والمضيأه عبارة عن قبة مرتفعة متزخرفة وموجود جواها حنفيات بيستعملها الناس علشان يتوضو زى اللى موجوه فى الصورة اللى قدامقة وبكدا اتسمت المضيأه وكانت نوافذ الجامع القديمة مزخرفة بزخارف جصية لسة موجود منها بقايا بالجدار الجنوبى

وكان يوجد للجامع مدخل رئيسى بارز موجود فى الجهة الغربية

والمسجد ده بيعتبر من اهم المراكز الثقافية لأنه بيتقام فيه الندوات والمناقشات الثقافية وكمان كان فى عهد الدولة الفاطمية كانت بتتقام فيه الاحتفالات فى الجمعة الاخيرة من شهر رمضان ومن اشهر علماء المسجد اولهم الصحابى الجليل عبدالله بن عمرو بن العاص و عقبة بن عامر وتميم الدارى ومن التابعين زيد بن ابى حبيب النوبى ومن الفقهاء الليث بن سعد ومن العلماء عبدالله بن وهب و عبدالله بن حكم و الامام الشافعى

ومن اشهر خطباء جامع عمرو بن العاص فى العصر الحديث من سنة 1950 ميلاديا لغاية دلوقتى

الشيخ ابراهيم عبد الخالق من 1950 لغاية 1977

الشيخ محمد الغزالى 1971 لغاية 1974

الشيخ عبدد الحميد رضوان 1977 لغاية 1984

و الدكتور عبد الصبور شاهين 1985 لغاية 1996

والدكتور محمد عبد السميع جاد من 1996 لغاية 1998

والدكتور اسماعيل عبد الخالق الدفتار من 1998 لغاية 2014

وكمان بيعتبر الشيخ محمد سيد طنطاوى اول شيخ للأزهر بيخطب فوق منبر جامع عمرو بن العاص من 2005 لغاية 2008

حيث انه كان بخطب الجمعة الاولى من شهر يوليو من كل سنة احتفالا بالعيد القومى لمدينة القاهرة

اسم شهرة المسجد

واشتهر مسجد عمرو بن العاص بكذا اسم وهما الجامع العتيق , تاج الجوامع , مسجد الفتح , مسجد النصر , ومسجد اهل الراية الاعظم , وجامع مصر , وقطب سماء الجوامع ) والجامع ده بيعتبر جامعة اسلامية قبل الازهر والزيتونة والقيراوان.

ومن اقوال عمرو بن العاص المأثورة فى مصر (ولاية مصر جامعة تعدل الخلافة ) .

 النهاية        

وبس كدا دا كان موضوعنا النهاردة متنساش لو شايف ان انت استفدت  سيب رائيك فى تعليق ومتنساش كمان تنضم لجروبنا على الفيسبوك هتلاقى من هنا 

وتشترك فى قناتنا على اليوتيوب من هنا

وبس كدا ومع السلامة.