معلومات عن مسجد الحاكم بأمر الله

 

المقدمة

اهلا بیكم يا اصدقائى عاملین ایه یارب تكونو بخیر فى موضوع النهاردة هنكلم عن مسجد من مساجد مصر اتبنى سنة ٣٨٠هجریا فى عهد العزیز باالله الفاطمى لكن مات قبل ما یكمل بنائه فاللى كمله هو الخليفة الحاكم بأمر االله و مسجدنا النهاردة هو مسجد الحاكم بأمر االله

 

 

وصف المسجد

فى البدایة  خلینا نوصف الجامع ونقول ان طوله ١٢٠متر وعرضه ١١٣متر فمساحته اقل من مساحة جامع عمرو بن العاص

 

 

 

وليه واجه بحرية وفى نهایتها موجود مئذنتین بیحیط بیهم قاعدتین على شكل هرمى وبتتركب كل قاعدة منهم من مكعبین واحد منهم اعلا من التانى وبیبرز من المكعبین العلوین مئذنة مثمنة الشكل

وفى منتصف الواجهة دى بین المئذنتین موجود مدخل الجامع الاثرى وده اول مدخل بارز للمسجد بیغطیه قبو اسطوانى عرضه ٣متروطوله  ٦متر وفنهایته باب عرضه  ٢متر.

 

 

وموجود فى المدخل على الیمین والیسار بقایا نقوش ارتفاعها متر و ٦٠وبیؤدى المدخل لصحن الجامع اللى بتحیط بیه الاواوين والایوان ده هو كلمة فارسیة معنها قاعة او مساحة مستطیلة

وفى إیوان فى الجنوب الشرقى ودة ایوان القبلة وبیتكون من خمس أروقة  ویقابله الإیوان الشمالي الغربي وبیتكون من رواقین هو كماان

وموجود بابين في الجانب الشرقي (باب في النص وباب ملاصق للمئذنة وباب في منتصف الجانب الغربي وباب للخطيب بجوار المنبر فيبقى مجموع الأبواب تسع ابواب

 

 

أما الشبابيك في الجامع ده 16 شباك في الحوائط الجانبية و17 شباك في كل من ايوان القبلة والحائط المقابل ليه والمئذنتين سدو شباك منهم  فبقى عدد الشبابيك فى المسجد 16 شباك

 

تاريخ المسجد

للمسجد تاريخ مثير للإهتمام علشان الحملة الفرنسية خليته مقر لجنودها وأستخدمت المئذنتين كأبراج للمراقبة وبيعتبر الجامع تاني أكبر جوامع القاهرة إتساعاً بعد جامع ابن طولون وموجود الجامع دلوقتى بنهاية شارع المعز لدين الله الفاطمي "بحي الجمالية" بجوار باب الفتوح

والحاكم بنى مسجدين تانين هما جامع راشدة سنة 393هـ  وجامع المقس اللى بناه على شاطئ النيل بالمقس )ميناء القـاهـرة النهرى( في الوقت ده وملهمش اثر دلوقتى

 

أهمل المسجد لفترات طويلة لغاية لما اتحول أروقته لمخازن للتجار لغاية عصر الرئيس أنور السادات واللى طلبت طائفة الشيعة البهرة اللى كانو بدؤوا في الهجرة لمصر  الإذن بتجديده بالجهود الذاتية  لأنه مكان مقدس بالنسبة ليهم كما أن الحاكم بأمر الله شخصية مقدسة عندهم، ودعو السادات لافتتاح المسجد ومن الوقت ده بيقوم الشيعة البهرة برعاية الجامع وهو مفتوح لجميع الطوائف بالصلاة فيه

 

للجامع ده مكانة كبيرة عند الناس، وبيزروا كتير خلال شهر رمضان والجامع بيتراعى بالجهود الذاتية

 

النهاية

و فى النهاية اتمنى يكون موضوعونا كد نال اعجابكم متنساش قولنا رأيك فى تعليق والشير علشان يوصل لناس اكتر و لو عايز تستفاد اكتر ممكن تزور قناتنا على اليوتيوب و بس كدا و مع السلامة