معلومات عن كوكب الزهرة xlargeinformation

كوكب الزهرة

 كتب-عبدالرحمن وائل

كتب-عبدالرحمن وائل

 معلومات عن كوكب الزهرة

اول حاجة خلينا ندردش شوية حولين كوكب الزهرة 

كوكب الزهرة بيعتبر تاني كواكب المجموعة الشمسية من حيث المسافة بينه وبين الشمس كوكب الزهرة بيبعد عن الشمس حوالى 108 مليون كيلومتر

ومدارو حولين الشمس مش دائريًا كليا 

و هو كوكب ترابي زي عطارد والمريخ اللي هما شبه كوكب الأرض من حيث الحجم والتركيب.

سبب تسمية كوكب الزهرة

أما بقا عن سبب التسمية بالزهرة فبحسب مقال العرب: الزُّهْرَة هي الحسن والبياض والزهر يعنى الأبيض المستنير والزُّهْرَة هي البياض المنير ومن هنا اسم كوكب الزهرة و بكدا يعنى اسمه أصلا بيرجع من وصف النظر ليه من على كوكب الأرض واللي هو سطوعه كبير اوى ودا بسبب قربه من الشمس.

كوكب الزُّهَرَة قريب من الشمس عن الأرض لأنه زي لما قولنا بيدور في مداره حولين الشمس وبيبعد عنها حوالى 108 مليون كيلومتر لكن الأرض بتدور في مدارها حولين الشمس بحوالى150 مليون وبكدا عشان يتشاف من على سطح الأرض ممكن بس قبل الشروق أو بعد الغروب بوقت قصير وبكدا ف ليه اسم تانى وهو نجم الصبح أو نجم المساء.

بيُعتبر الزهرة كوكب عاصف وفيه رياح شديدة ودرجة حرارته مرتفعة وهو تقريبًا حجمه زي حجم كوكب الأرض  علشان كدا بيطلقو عليه أخت الأرض لأن وزن الإنسان على سطحه بيكون تقريبًا زي وزنه على الأرض ،وكمان معلومة كوكب الزهرة أسخن كواكب المجموعة الشمسية وكمان شبه كوكب الأرض في البراكين والزلازل البركانية النشطة والجبال وكمان الوديان لكن فرق الاختلاف اللي مابينهم هو أن جوه حر جدًا مبيسمحش بالحياة عليه. وبالأضافة الى انه معندهوش قمر تابع ليه زي الأرض.

 

شاهد ايضا

معلومات عن الشمس الجزء 1من هنا وعلى اليوتيوبمن هنا

معلومات عن الشمس الجزء 2 من هنا وعلى اليوتيوب من هنا

معلومات عن القمر الارضىمن هنا وعلى اليوتيوبمن هنا

 الخصائص الفزيائية لكوكب الزهرة

زي لما عارفين ان الزُّهَرَة هو أحد الكواكب الأرضية الأربعة ودا يعنى انو بيشبه كوكب الأرض في تركيبه الصخري وفي الحجم والكتلة وفالغالب بيتوصف بتوأم الأرض ،قطر الزهرة أقل من قطر الأرض ب650كم بس وكتلته تساوي 81.5% من كتلة الأرض.

 

لكن الفرق هو الغلاف الجوى  دا عند كوكب الزهرة كثيف جدا اللي تكوينه الأساسي من أكاسيد الكربون و95% من الغلاف الجوى بيتكون من اكاسيد الكربون والعنصر التانى اللي بيتكون منه هو النيتروجين ودا بنسبة 3.5% بس

ظاهرة عبور الزهرة

ولما نيجى نتكلم على ظاهرة عبور الزهرة

ونقول انها ظاهرة فلكية ودى سببها ان كوكب الزهرة بيبقى بيمر بين الشمس والأرض فبتبقى زي نقطة سودا صغيرة بتعبر قرص الشمس واخر عبور كان في سنة 2012م  وقبليها كان في سنة 2004م والظاهرة فضلت موجودة لمدة 6 ساعات  والظاهرة  دي شبه ظاهرة كسوف الشمس

 

 

الرحلات الفضائية للزُّهَرَة

بدأ أول برنامج لاكتشاف الزهرة في 21 فبراير 1961 بإطلاق المركبة فينيرا 1 ودا من ضمن برنامج فينيرا السوفيتي لكن  اتفقد الاتصال بالمركبة بعد 7 أيام من إطلاقه 

وكمان بدأ البرنامج الأمريكي لاكتشاف الزهرة بشكل سيء جدا لما اتحطمت المركبة مارينر 1 بعد إطلاقها، لكن المهمة الثانية كانت مارينر 2 ودى حققت نجاح كبير جدا ودخلت مدار كوكب الزهرة في 14 ديسمبر سنة 1962 بعد 109 يوم من اطلاقها.

وكمان نجحت المركبة  السوفيتية فينيرا 3 في الهبوط على سطح الزهرة في 1 مارس 1966علشان تكون أول مركبة فضائية بتنجح في الهبوط على سطح كوكب إلا أنها للأسف فشلت في الاتصال مع كوكب الأرض بعد هبوطها وبالتالي مأرسلتش أي بيانات عن سطح الزهرة لكن بعديها نجحت المركبة فينيرا 4 في انها تدخل الغلاف الجوي للزهرة وبالفعل قامت بكثير من التجارب العلمية.

وفى 9نوفمبر 2005 وكالة الفضاء الاوربية اطلقت المركبة فينوس اكسبرس واتمكنت من الدخول للغلاف الجوي للزهرة في 2006.

وكمان أطلقت منظمة بحوث الفضاء اليابانية مهمة باسم أكاتوسوكي في 20 مايو  2010 ودى كانت علشان تستكشف الكوكب من حيث الخصائص الجغرافيه

لا تنسو زيارة قناتنا على اليوتيوب X Large Information

تضاريس كوكب الزُهرة 

تشكُل سطح كوكب الزُهرة بيرجع لتاريخ حديث نسبي، فهو بيرجع لحوالى 300 إلى 500 مليون عام، وبتُشكل الصخور البازلتية نسبة 90 %من مساحة السطح،و بيحتوي على هضبتين رئيسيتين وهما هضبة عشتار، وهضبة أفروديت ؛ فبتمتد هضبة عشتار في النص الشمالي من سطح الكوكب على مسافة زى مساحة أستراليا، وكمان بتحتوي على أعلى قمة على سطح الكوكب بأكمله ودى قمة جبل ماكسويل  اللي بتمتد على ارتفاع 11 كم عن نقطة قياس سطح كوكب الزُهرة واللي بتُقارن البحر على كوكب الأرض، وتقع نسبته 50% من مساحة سطح الكوكب على ارتفاعات تزيد عن 500 متر عن نقطة القياس الخاصة بالكوكب، وموجودة هضبة أفروديت على طول خط استواء الكوكب وبتمتد على مساحة بتُقدر بمساحة أمريكا الجنوبية، وبيمتاز سطح الكوكب بانه بيحتوى على الكتير من البراكين واللي بتزيد عددها عن ألف بركان بيصل قُطر فوهة بعضها لمسافة بتزيد عن 19 كيلومتر.

النهاية

وبس كدا ياعاشق لعلوم الفضاء دا كان موضوعنا متنساش لو شايف ان انت استفدت  سيب رائيك فى تعليق ومتنساش كمان تنضم لجروبنا على الفيسبوك هتلاقى من هنا 

وتشترك فى قناتنا على اليوتيوب من هنا

وبس كدا ومع السلامة