معلومات عن القمر الارضى 

كتب-عبدالرحمن وائل

موضوعنا النهاردة عن القمر 

القمر

السلام عليكم ورحمة اللهى وبركاتة عاملين ايه يا اصدقائى اتمنى يارب تكونوبخير حلقتنا النهاردة عن القمر لكن القمر اللى هو القمر الارضى التابع لكوكب الارض 

 القمر 

خلينا نبدأ ونكلم عن القمر ونقول ان القمر ده هو القمر الوحيد الطبيعى للكرة الارضية وكمان هو خامس اكبر قمر طبيعى فى المجموعة الشمسية فتاقمر بتاعنا ده يعتبر اكبر قمر فى المجموعة الشمسية من ناحية نسبة حجمة بالنسبة للكوكب التابع ليه اللى هو كوكبنا كوكب الارض وده عشان قطره بيساوى ربع قطر الارض

 

 

نشأة القمر

ودى فيها شوية نظريات جميلة كدا  لتفسير تشكل القمر قبل 4.527 مليار سنة، إحدى الفرضيات بتفرض أن القمر انشطر من القشرة الأرضية بسبب القوة الطاردة المركزية والقوة الطاردة دى اتنشأت خلال الفترة بين ال30 و50 مليون سنة من تشكل المجموعة الشمسية  لكن الفرضية ده  معرفتش تفسير استنزاف الحديد من القمر

و الفرضيات المقبولا في الوسط العلمي دلوقتى لتفسير تشكل القمر هي فرضية الاصطدام العملاق ودى بتفرض أن كوكب بحجم المريخ يسمى ثيا اصطدم بالأرض المتشكلة جديدا. أما المواد المتبخرة نتيجة الانفجار ده فكون القمر. واصلا الاصطدامات العملاقة دى كانت أمر شائع في بدايات النظام الشمسي

 

 

حقيقة وجود الماية على سطح القمر

ففى الحقيقة الماية مش موجودة على القمر بصورة سايلة كما أن بخار الماية بيتعرض لعملية الانحلال الضوئي بسرعة بسبب أشعة الشمس وبيضيع في الفضاء على طول

 

 

الغلاف الجوى للقمر

فالقمر بيَمتلك غلاف جوي رقيق خالص لحد انو معدوم تقريباً لان إجمالي كتلته بتبلغ أقل من 10 أطنان

علاقة القمر بمدار كوكب الارض فالقمر بيقوم بدورة واحدة حولين الأرض كل 27.3 يوم وده بيتقاس بالنسبة إلى النجوم الثابتة في السماء وفي نفس الوقت بتدور الأرض حولين الشمس وده بيخلى رجوع القمر لمراحله من تانى بيستغرق وقت أطول وهو 29.5 يوم

 

 

 

هنيجى للمرحلة الاهم وهى الخسوف والكوسوف والمد والجزر

هنكلم فى البداية عن الخسوف والكوسوف ودول بيحصلوا لما الأرض والقمر والشمس يكونو على نفس الخط

 

خسوف القمر

فخسوف القمر ده ظاهرة فلكية بتحصل لما ظل الأرض يحجب ضوء الشمس المنعكس على القمر

أنواع الخسوف ففى

خسوف كلي

ودى بتحصل لما يدخل القمر كله منطقة ظل الأرض

خسوف جزئي

  ودى بتحصل لما يدخل جزء من القمر منطقة ظل الأرض

خسوف شبه الظل

  ودى بتحصل لما يدخل القمر منطقة شبه الظل بس

 أطول خسوف كلي للقمر استمر ساعة و 40 دقيقة

الخسوف القمري ممكن يحصل تلت مرات كل سنة

 

 

كسوف الشمس

 وده نوع من الكسوف بيحصل لما تكون الأرض والقمر والشمس على استقامة واحدة ويكون القمر في النص يعنى في وقت ولادة القمر الجديد

انواع الكسوف ففى

كسوف كلي

 ودى بتحصل لما يوصل ظل القمر لسطح الأرض وفي الحالة دى ينكسف كامل قرص الشمس وبيتخذ الكسوف الكلي مسار محدد بسبب حركة الأرض والقمر.

 

كسوف حلقي

وده بيحصل لما يكون القمر في نقطة بعيدة عن الأرض فيكون قرص القمر أصغر من أنه يحجب كامل قرص الشمس

كسوف جزئي

الكسوف الجزئي ويحدث في المناطق التي يسقط فيها شبه ظل القمر على سطح الأرض

 

تأثير المد والجزر

الغالبية العظمة من تأثيرات المد والجزر هي بفعل تدرج شدة جاذبية القمر من أحد جانبي الأرض نحو الجانب التانى وبتدعى قوة المد والجزر

يتعاظم المد والجزر في المحيطات بسبب تأثيرات الاحتكاك الناجمة عن ارتباط الماية مع دوران الأرض من خلال أرضية المحيطات تانى حاجة عزم القصور الذاتي لحركة المايه تالت حاجة التذبذبات بين أحواض المحيطات المختلفة. جاذبية الشمس للأرض ليها تأيرها هى كمان وتمثل حوالى نصف تأثير جاذبية القمر (بالرغم من أن جاذبية الشمس أعلى من جاذبية القمر للأرض)

أستكشافات القمر

القمر كان بيسحر القدماء لأنه كان أوضح أجرام السماء وأكبرها باستثناء الشمس اللي بتساويه فى الحجم بالنسبة للمنظر من الأرض. وكان واضح ومثير لدرجة أن الفلكيين القدماء بدؤوا برسم خرائط ليه. ولاحظوا كمان تغير مراحله وأدركوا أنها ناتجة عن دورانه حولين الأرض وكانوا كملن بيظنو أن جميع الأجرام كانت بتدور حولين الأرض مش القمر بس

بعض الحضارات القديمة ظنت أن القمر مرايه بتعكس سطح الأرض وبحارها وتضاريسها لكن الفلاسفة اليونانيين ومن بعدهم العرب أدركوا أنه مجرد جرم سماوي وأدركوا كمان أنه معتم ولكن بيعكس ضوء الشمس ولكنهم كمان ظنوا أنه بيشبه كوكب الأرض في طبيعته

كانت دراسة القمر في البداية محدودة جدا بسبب الآلات البدائية لكن في سنة 1609 اتغير الحال تماما لما اخترع العالم الفلكي غاليليو لأول تلسكوب في تاريخ البشرية والقمر كان هدفه التانى بعد لما شاف  كوكب المشتري وأقماره

بعد إطلاق الروس القمر الصناعى "سبوتنك" أول قمر صناعي في تاريخ البشرية، بدؤوا انهم يوجهوا أنظارهم للأجرام السماوية وعلى رأسها القمر قامو بعد كدا بإطلاق المركبة الفضائية لونا للقمر وكانت أول رحلة هبوط على جرم سماوي غير الأرض

 

 

 

استكشافات الولايات المتحدة للقمر

بدأ الاستكشاف الأمريكي للقمر بالرحلات الروبوتية اللي هدفت لتطوير فهم سطح القمر للقيام في النهاية بهبوط بشريّ عليه وفي سنة 1969 حدث اول هبوط للبشر على القمر واصبح نيل أرمسترونغ هو أول شخص يطلع على القمر فهو كان قائد رحلة أبولو 11 الأمريكية وكان هو أول اللى حط رجليه على القمر

 

 

 

الأستكشافات الحديثة للقمر

العديد من الدول قامو بعمل برنامج استكشاف مباشر للقمر فأرسلت اليابان سنة 1990 المركبة الفضائية هايتن واتحطت في مدار قمري وبكدا أصبحت اليابان تالت دولة تنجح في وضع مركبة ضمن مدار القمر وبعديها قامت وكالة الفضاء الأوروبية بإرسال المسبار سمارت اللى اتحط في مدار القمر من 15 نوفمبر 2004 لغاية لما اصطدم بالقمر في 3 سبتمبر 2006

الوضع القانوني الخاص بالقمر

بالرغم من أن مراكب لونا قامت ببعثرة أعلام الاتحاد السوفييتي على سطح القمر، وقام رواد أبولو هما كمان ببعثرة أعلام الولايات المتحدة الأمريكية عليه فإنه كمان مفيش اي دولة تدعي امتلاك أي جزء من سطح القمر. فكل من روسيا والولايات المتحدة هما عضوان في معاهدة الفضاء الخارجي لسنة 1967 اللي بتدافع عن القمر وجميع الأجرام الفضائية التانية باعتبارها ملك للجنس البشري كله بتفرض المعاهدة كمان استخدام القمر للأغراض سلمية بس فهي تمنع بشكل صريح إنزال أية معدات عسكرية أو أسلحة دمار شامل عليه وتعقدت كمان إتفاقية القمر سنة 1979 لتقييد استغلال أية دولة لثروات القمر

 

 النهاية

بس كدا خلاص خلص موضوعنا النهاردة متنساش تزور قناتنا على اليوتيوب XLarge Information-Abdo Wael