كتب-عبدالرحمن وائل

معلومات عن الشمس الجزء2

ممكن تطلع على الجزء الاول من هنا

وعلى اليوتيوب من هنا

المقدمة

السلام عليكم ورحمة اللهى وبركاتة عاملين ايه اتمنى تكونو بخير  

 

مكان الشمس فى المجرة

خلينا فى البداية نعرف مكان الشمس فى المجرة

الشمس موجودة بالقرب من ذراع داخلي لمجرة درب التبانة اسمه  ذراع الجباروده من ضمن سحابة الحزام وبيفترض أنها بتبعد عن مركز المجرة من 7.5-8.5 فرسخ فلكي وده بيعادل 25000-28000 سنة ضوئية

 العلماء اطلقواعلى الشمس والمجموعة الشمسية اسم نطاق صالح للسكن بلإضافة لأن الشمس بتتحرك حركة تذبذبية لفوق وتحت بالنسبة لمستوي المجرة وبتحصل الحركة دى حوالي 2.7 مرة فكل دورة مدارية والنظام الشمسي بيستغرق حوالي 225 إلى 250 مليون سنة علشان يلف مرة واحدة حولين مدار درب التبانة علشان كدا بيُعتقد أنو لغاية دلوقتى لف من 20 ل 25 مدارًا خلال عمر الشمس

 

تاريخ رصد الشمس

هنوصل مع بعض لتاريخ رصد الشمس

في العديد من الثقافات الشمس اتحطت فى موضع احترام خلال التاريخ البشري زيها زى باقي الظواهر الطبيعية كان الفهم البشري للشمس على أنها قرص مشع في السماء وبوجودها يبقا احنا كدا فى النهار وغيابها يعنى كدا بقينا بلليل، وكمان الشمس فكتيرمن الحضارات اللى قبل التاريخ  والحضارت القديمة اعتبرت كإله وكانت عبادة الشمس محور لحضارات شعوب كتيرة زى الإنكا في أمريكا الجنوبية والأزتيك في المكسيك دلوقتى

ومع الوقت بداء تطور المفهوم العلمى للشمس

ولاحظ علماء الفلك البابليون قبل الميلاد بأن حركة الشمس مكنتش منتظمة على طول مسار الشمس على الرغم من أنهم مأدركوش ده سببه ايه وكان الفيلسوف اليوناني أناكساغوراس من أوائل الناس اللى قدموا تفسير علمي للشمس وعرفها على انها كرة عملاقة ملتهبة من المعدن وكمان عرف القمر بأنه بيعكس ضوء الشمس الساقط عليه

 

الرحلات الفضائية

كان برنامج بيونير التابع لوكالة ناسا هو أول اللى أطلق أقمار صناعية لرصد الشمس والرحلات دى كانت ما بين سنة 1959 إلى 1968 ودارت الاقمار دى فمدار حولين الشمس على بعد مماثل لبعد الأرض عن الشمس

وفى سنة 1970 قامت تلت رحلات هيليوس .ومرصد أبولو. وسكاي لاب . بجمع معلومات علمية جديدة حولين الرياح الشمسية

وفي سنة 1980 أطلقت ناسا مهمة سولار ماكسيموم  واللى اتصممت المهمة دى لرصد انبعاثات أشعة جاما والأشعة السينية والأشعة فوق البنفسجية المنبعثة الشمس وده وقت ذروة النشاط والضؤ الشمسي

لو احبب تطلع على معلومات عن القمر الارضى من هنا

على اليوتيوب من هنا

هنوصل لكسوف الشمس

كسوف الشمس

 وده نوع من الكسوف بيحصل لما تكون الأرض والقمر والشمس على استقامة واحدة ويكون القمر في النص يعنى في وقت ولادة القمر الجديد

انواع الكسوف ففى

كسوف كلي

 ودى بتحصل لما يوصل ظل القمر لسطح الأرض وفي الحالة دى ينكسف كامل قرص الشمس وبيتخذ الكسوف الكلي مسار محدد بسبب حركة الأرض والقمر.

 

كسوف حلقي

وده بيحصل لما يكون القمر في نقطة بعيدة عن الأرض فيكون قرص القمر أصغر من أنه يحجب كامل قرص الشمس

كسوف جزئي

الكسوف الجزئي ويحدث في المناطق التي يسقط فيها شبه ظل القمر على سطح الأرض

 

 مخاطر النظر للشمس فى وقت الكسوف

الإشعاع الشمسي اللى جى للأرض بيتضمن ثلاث أنواع من الاشعة الكهرومغناطيسية اللى بتشكل خطرعلى عين الإنسان وهي:

 

الاشعة الضوئية:

والاشعة دى بتحصل لما تكون كثافة الضوء عالية جدا لأنها بتتعطل قدرة الخلايا البصرية على الاستجابة للضوء.

الاشعة تحت الحمراء:

 والاشعة دى بتتسبب تسخين الشبكية ودى بتسبب اذية حرارية بتتمثل بحرق الانسجة وتدمير الخلايا الحساسة للضوء والإنسان ومبيشعرش بالضرر ده لأن الشبكية بتفضى من مستقبلات الحرارة والالم

الاشعة فوق البنفسجية: 

ودى بتسبب حروق في الشبكية

الشمس أثناء الكسوف مبطلعش أي إشعاعات مضرة بالعين غير اللى بتطلعها فى العادة زى ماعرفين كلنا عادة وزى ماعرفين كمان ان التحديق للشمس في الأحوال العادية لمدة 15 ثانية دا بالكتير كمان كفيل انو يسبب عمى لكن خطورة الكسوف بتيجى بفرق أن الشمس الغير مكسوفة بتطلع كميات كبيرة من الاشعة الضوئية وده بيخليك تضيق عنيك وانت بتبص للشمس  وده بيخلى الاشعة المضرة متعديش للشبكية

اما بقا وقت الكسوف فان كمية الاشعة الضوئية اللى ناتجة عن الشمس بتقل بشكل ملحوظ بنسبة 20 بالمئة وده بيخلى العين توسع بشكل كبير فى وقت لما تبص للشمس وهتسبب اذية موءقتة أو دائمة وممكن كمان متظهرش على طول بعد الاذية وبتتمثل بعمى دائم في العين وباضطراب في الروءية وضعف في قوة الابصار

 

معلومات عامة عن الشمس 

الشمس ليها ثمانية كواكب معروفة وبيشمل دا أربع كواكب أرضية وهي:

عطارد

الزهرة

الأرض

المريخ

وكوكبين عملاقيين غازيين المشتري وزحل

 وكوكبين عملاقيين جليديين اللى هما أورانوس ونبتون

وبيحتوي النظام الشمسي كمان على الاقل خمس كواكب من نوع قزم وحزام كويكب وكتير من المذنبات وعدد كبير من الأجسام الجليدية اللى موجودة خارج مدار نبتون

الشمس

في الدين الإسلامي ورد ذكر الشمس 35 مرة في القرآن الكريم وكمان موجودة سورة قرآنية بإسم (الشمس) وبتصف الآيات القرآنية الشمس بأنها آية من آيات الله، وأن الله تعالى جعلنا من انضباط حركتها وسيلة دقيقة لحساب الزمن وأنها كمان مصدر للضوء وأنها سراج يعنى جسم مشتعل مضيء بذاته وأنها سراج وهاج يعنى شديد الوهج وأنها مسخرة بأمر الله،

 

وقبل القرن العشرين كان هناك اعتقاد بأن جريان الشمس المذكور في قوله تعالى: {وَالشَّمْسُ تَجْرِي لِمُسْتَقَرٍّ لَهَا ذَلِكَ تَقْدِيرُ الْعَزِيزِ الْعَلِيمِ} سورة يس الآية (38)، يعني دورانها حولين الأرض لكن مع تقدم العلم بالقرن العشرين اكتشف العلماء دوران الكرة الأرضية حولين الشمس ووضح العلماء المسلمون بأن الآية مش معناها ان الشمس بتدور حولين الأرض لكن بمعنى (أنها تجري لمستقر لها) ودا اللى اثبته العلم الحديث بأن الشمس مش ثابتة في مكانها فهي بتدور حولي مركز المجرة

وبس كدا دا كان موضوعنا النهاردة متنساش لو شايف ان انت استفدت  سيب رائيك فى تعليق ومتنساش كمان تنضم لجروبنا على الفيسبوك هتلاقى من هنا 

وتشترك فى قناتنا على اليوتيوب من هنا

وبس كدا ومع السلامة