معلومات عن الكوكب xlargeinformation

 كتب-عبدالرحمن وائل

معلومات عن الكوكب بشكل عام:

كتب-عبدالرحمن وائل

المقدمة

السلام عليكم عاملين ايه يارب تكونو بصحة وسلامة موضوعنا  النهاردة عن الكوكب بشكل عام 

تعريف الكوكب

الكوكب دا عرفو الاتحاد الفلكي الدولي بأنه جرم سماوي بيدور فمدارٍ معين حولين نجم أو بقايا نجم في السماء

كلمة "كوكب" نفسها كدا قديمة وبترتبط بجوانب تاريخية وعلمية ودينية فكتير من الحضارات القديمة كانو يعتبروا الكواكب رموز مقدسة لكن أفكار الناس عن الكواكب تغيرت 180درجة مع التطور الفكري العلمي في العصر الحديث ولغاية دلوقتى مفيش تعريف موحد لمعنى الكوكب.

وبتعريفات الاتحاد الفلكي الدولي للكوكب بيقولو ان  المجموعة الشمسية بتتكون من كواكب. وبتترتب الكواكب دي على حسب بعدها عن الشمس بتبدأ بعطارد والزهرة والأرض والمريخ المشتري وزحل وأورانوس ونبتون.

وكمان اللي الناس متعرفهوش ان المجموعة الشمسية فيها كمان خمسة كواكب قزمة.

 الخلفية التاريخية للكواكب

الحضارة البابلية

 كانت هي أول حضارة معروفة عرفت توصل لنظرية علمية عن الكواكب و بيعتبر كمان ان البابليون هم المؤسسين الحقيقين لعلم التنجيم الغربي 

وبحلول القرن الأول قبل الميلاد بدأ الإغريق في تطوير نظرياتهم الرياضية علشان يعرفو يحددو مواقع الكواكب.

وبالفعل الإغريق والرومان عرفوا سبعة كواكب وكانوا بيعتقدوا أن الكواكب دي بتدور حولين الأرض . وكانو مرتبينهم بترتيب كدا بدءو من الأرض بعد كدا القمر وعطارد والزهرة بعد كدا الشمس و المريخ و المشترى واخيرا زحل.

العرب

وعند العرب الكواكب السيارة دا كان الاسم القديم للكواكب اللي بتتشاف من على سطح الأرض. واتسمت "سيارة" ليه لأن العرب القدماء كانوا مسمين كل النقط اللي بتلمع في السماء بـ"الكواكب" لكن لاحظوا أن في منها بيتحرك باستمرار وفى منها ثابت في السماء علشان كدا سموا المتحركة بـ"الكواكب السيارة" (واللي معروفة دلوقتى بالكواكب) وقالو على الثابتة بـ"الكواكب الثابتة" (واللي معروفة دلوقتى بالنجوم). 

العرب معتبروش الكواكب آلهة زي الاغريق بالرغم من أنهم عظّموها فالمشتري اتسمى بالاسم دا لأنه اشترى العظمة لنفسه والمشتري والزهرة كان ليهم أهمية خاصة عند العرب بسبب لمعنهم الشديد.

في القرن 11 ابن سيناء رصد عبور كوكب الزهرة اللي أثبت أن كوكب الزهرة كان على الأقل في بعض الأوقات تحت الشمس.

كوكب بلوتو اكتشف في القرن 20 وهما في اول لما رصدو كوكب بلوتو كانو فاكرين انو اكبر من كوكب الأرض ودا خلاهم يصنفوه كتاسع الكواكب في المجموعة الشمسية. 

وفضل محتفظ بصفته ككوكب لغاية سنة 2006 اكتشفوا أنه أصغر بكتيير من حجم الأرض.

شاهد ايضا

معلومات عن الشمس الجزء 1من هنا وعلى اليوتيوبمن هنا

معلومات عن الشمس الجزء 2 من هنا وعلى اليوتيوب من هنا

معلومات عن القمر الارضىمن هنا وعلى اليوتيوبمن هنا

تكوين الكوكب

محدش يعرف على وجه الدقة أزاي اتَكوُّن الكوكب والنظرية المتعارف عليها هي أن الكواكب كانت الناتج عن انهيار السديم الغازي علشان يتكون قرص رفيع بيتكون من الغاز والاتربة.

المجموعة الشمسية فيها 8 كواكب و بتتقسم لكواكب صخرية وكواكب غازية وكواكب جليدية وكواكب قزمة.

 

الكواكب الصخرية 

ودى فى الأساس بتتكون من الصخور والكواكب دي هي عطارد والزهرة والأرض والمريخ.

الكواكب الغازية 

ودى بضم الكواكب الغازية اللي بتتكون في الأساس من مواد غازية ودى اكبر من الكواكب الصخرية من حيث الحجم والكواكب دي هي المشترى وزحل وأورانوس ونبتون .

الكواكب الجليدية

 ودى بضم الكوكبين أورانوس ونبتون وبتتميز الكواكب دي عن الكواكب الغازية بأنها صغيرة في الحجم.

ولما نيجى على الكواكب القزمة فالاتحاد الفلكي الدولي قال ان فيه خمس كواكب قزمة داخل المجموعة الشمسية وهي:

 سيريس وبلوتو (اللي كان متصنف زمان كتاسع كوكب في المجموعة الشمسية) وميكميك وهاوميا وإيريس.

 وبيدور حولين كل كوكب من دول  قمر واحد باستثناء عطارد والزهرة وسيريس وميكميك.

اكتشفو أول كوكب خارج المجموعة الشمسية بيدور حولين نجم في 6 أكتوبر 1995م واللي كان حجم معظم الكواكب اللي اكتشفوها برا المجموعة الشمسية قد حجم كوكب المشتري أو اكبر منه

 ولما جات سنة 2009 كانت عدد الكواكب المكتشفة  خارج المجموعة الشمسية 344 كوكبًا.

وكمان في 20 ديسمبر 2011 فريق تلسكوب كبلر الفضائي اكتشف أول كوكب خارج المجموعة الشمسية بحجم الأرض.

وفى 1 يونيو 2019اكتشفوا 4,071 كوكب برا المجموعة الشمسية في 3,043 نظام كوكبي  واحجماها من القمر لضعف حجم كوكب المشتري ومن ضمن الكواكب دي اكتشفوا أكتر من 100 كوكب ليها نفس حجم الأرض ،9 منهم موجودين على نفس المسافة النسبية عن نجمها زي الأرض من الشمس يعنى منطقة صالحة للسكن.

النهاية

وبس كدا دا كان موضوعنا النهاردة متنساش لو شايف ان انت استفدت  سيب رائيك فى تعليق ومتنساش كمان تنضم لجروبنا على الفيسبوك هتلاقى من هنا 

وتشترك فى قناتنا على اليوتيوب من هنا

وبس كدا ومع السلامة.