معلومات عن تمثال ابو الهول

 كتب-احمد وائل

المقدمة

اهلا بكم اصدقائي عاملين ايه يا رب تكونو بخير موضوعنا اليوم هنتكلم عن تمثال ابو الهول بالجيزة. 

معلومات عن التمثال

خلينا نبدأ كدا ان ابو الهول موجود على هضبة الجيزة فى الضفة الغربية للنيل فى الجيزة و التمثال ده يعتبر حارس للهضبة حسب اعتقاد المصريين القدماء و كمان يعتبر من اقدم المنحوتات الكبيرة الموجودة , بيبلغ طول التمثال حوالى 73.5 متر و منها 15 متر طول قدميه الاماميتين و عرضه 19,3 متر و اعلى ارتفاع ليه من على الارض حوالى 20 متر عند قمة الرأس بيعتقد ان التمثال ده اتنحت فى عهد الفرعون خفرع بانى الهرم التانى فى الجيزة ،و كمان العلما بعتقده ان تمثال ابو الهول كان محجر قبل ان يفكر الفرعون خفرع فى نحته على شكل تمثال و التمثال ده بيبص ناحية الشرق،ابو الهول هو تمثال لمخلوق اسطورى بجسم اسد و رأس انسان و اتنحت من الحجر الكلسى و لسة الوانه الاصلية ظاهرة جنب واحدة من ودانه.

اراء العلماء عنه

اختلفت اراء العلما عنه

فالرأى الاولانى هو الرأى القديم انو بيمثل الملك خفرع و هو جامع بين قوة الأسد و حكمة الأنسان، و الرأى التانى انو الملك خوفو هو اللى بناه لأن تمثال ابو الهول بيشبه تمثال لخوفو و مبيشبهش تماثيل خفرع، بس فى الواقع ان مسألة مين هو بانى التمثال لسة مفتوحة للبحث لحد دلوقتى، و فى رأى تالت انو بيتقال انه بيمثل اله الشمس حور ام اخت و الدليل على ده ان المعبد اللى قدام التمثال كانت بتجرى فيه طقوس دينيه , و اللى فضل فى عقول المصرين طوال تاريخهم انوهم اعتبرو الاله حور ام اخت هو صورة الاله اتون اكبر الاله المصرية و هو الشمس وقت الغروب و اللى زارو اكثر من ملك منهم الفرعون رمسيس الثانى و الملك توت عنغ امون و الى انشأ استراحة جنب تمثال ابو الهول.

انف ابو الهول

كان عند التمثال انف طويل و اللى بيبلغ عرضه متر و لكن التمثال فقد انفه و فى شائعات بتقول ان الانف ادمرت بسبب مدفعية جنود نابليون و فى ناس تانية بتقول ان البريطانيون هما اللى كسرو و ناس بتتهم المماليك , و لكن الرسوم اللى عملها المستكشف الدينماركى فريدريك لويس نوردين لأبى الهول فى سنة 1737م فى كتابه الرحلة الى مصر و النوبة بتوضح انو التمثال ملهوش انف اصلا و ده اللى بيتفق مع رأى عالم المصريات الدكتور مهند ابو حديد

و فى اراء تانية بتفسر ده بتقول ان ابناء الفراعنة كانو بيتعلمو عليه فى الرماية و رأى تانى بيقول انو بسبب عوامل تعرية و يقال انه اساسا نحت بدون انف

الا ان كل النظريات اتفقت على ان السبب الرئيسى هو ان الانف كان اضعف نقطة فى تمثال ابو الهول

خلال العصور اتغطى ابو الهول بالرملة اللى اتشالت من عليه كتير.

 شاهد ايضا

 معلومات عن الهرم الاكبر خوفو

 المعلومات الكاملة عن هرم منكاورع

معلومات عن الجامع الأزهر الشريف

معلومات عن القمر الارضى

لوحة الحلم

هى لوحة لأبى الهول ذات شكل مستطيل حافته العليا مقوسة و بيبلغ ارتفاع اللوحة 144سم و عرضها 40سم و سمكها 70سم و فى الجزء العلوى ليها شكلين منحوتين للفرعون تحتمس الرابع فى اليمين و فى اليسار بيقدم قرابين لأبى الهول

 

كان أبو الهول ملهمً للفنانين القدماء والجدد حتى أننا دلوقتى شايفين انو مصنوع زيها فى القرن التاسع عشر  في أوروبا و بلأخص في إيطاليا وفرنسا لما صيت الحضارة المصرية بدأ ينتشر في كل أوروبا وأمريكا ولكن المصريون القدماء كانوا بيصنعو تماثيل مماثلة لأبي الهول في أحجام أصغر، و اللى محطوطة دلوقتى  عدة تماثيل على جانبي الطريق اللى بيوصل بين معبد الكرنك ومعبد الأقصر. إلا أن رؤوسها كرؤوس اكباش وجسمها جسم الأسد و بتاخد وضعية أبي الهول، و الطريق ده بيتسمى "طريق الكباش". و اوقات كانت تماثيل أبي الهول الصغيرة تصنع تمجيدا للملوك، مثل تمثال لأحد الفراعنة موجود في الفيوم وتمثال آخر يمثل الملكة حتشبسوت.

و موجودة تماثيل مصرية على شكل أبي الهول بتمثل الملوك وآلهة الشمس، وغالبا لما بيكون وجه التمثال ملتحيا باللحية المضفرة المصرية التقليدية ، كما احتل أبو الهول مكانا في فن الديكور الأوروبي بدأ من عصر النهضة.

النهاية

وبس كدا دا كان موضوعنا النهاردة متنساش لو شايف ان انت استفدت  سيب رائيك فى تعليق ومتنساش كمان تنضم لجروبنا على الفيسبوك هتلاقى من هنا 

وتشترك فى قناتنا على اليوتيوب من هنا

وبس كدا ومع السلامة.