معلومات عن النجوم (المعلومات الكاملة)

 معلومات عن النجوم

كتب-عبدالرحمن وائل

المقدمة

السلام عليكم عاملين ايه يارب تكونو بصحة وسلامة موضوعنا  النهاردة عن النجم

       

     

تعريف النجم                                 

تعالى فى البداية نعرف ايه هو اصلا النجم بيقولك هو جسم فلكي كروي من البلازما وضخم ،وكمان لامع ومتماسك بتأثير الجاذبية، ولمعانه بيجى من تفاعلات الاندماج النوويّ اللي بتحصل فيه من جوا واللي بينتج عنها عناصر أتقل من الهيدروجين ،

وزى ماعرفين الشمس هى النجم اللي بيُزوّد كوكب الأرض بالضوء والحرارة زى لما قولنا فى الموضوع اللى فات لو حابب تطلع عليها من هنا

 

دورة حياة النجم

بس قبل لما نقول خلينا نذكر عمر النجم ونقول ان عمر معظم النجوم هو مابين مليار و10 مليارات سنة.

بيمرّ النجم فى حياته بشوية مراحل وهي:

1- اول حاجة المرحلة اللى بيتكوّن فيها السحابة من الغبار والغاز ومعظمها بيكون من الهيدروجين اتجمّعت مكوناتها بتأثيرالجاذبيّة.

 

2- تانى مرحلة هى النجم الأول بتبدأ المرحلة دى لما بتنهار السحابة وبتتصادم مكوناتها فبترتفع درجة حرارتها، ولما بتوصل درجة حرارة الغاز لدرجة معينة بيبدأ الاندماج النووي لذرّات الهيدروجين علشان يتكون الهيليوم وبينتج عن التفاعل دا حرارة وضوء علشان كدا النجم الأول بيكون مضيئ.

 

3- تالت مرحلة وهى العملاق الأحمر ودى بتحصل لما يبدأ الهيدروجين يخلص من جوا النجم ودا بيرفع درجة حرارة اللبّ علشان ينتقل لسلسلة جديدة من تفاعلات الاندماج النووي وبالتالي هيتوسّع النجم ويزداد حجمه وهيبقاعملاق أحمر.

 

 4- بعد كدا هتيجى مرحلة موت النجوم:

علشان نعرف ازاى النجم بيموت وعمره قد ايه فده بيعتمد على حجمه لما فى البداية اتكون:

لأنه ممكن للنجم الصغير أنو يعيش مليارات السنين  ومثال على كدا الشمس اللي بتستمر التفاعلات النوويّة فيها لمدّة مليارات السنين  بالمقارنة  مع النجوم الكبيرة اللي بتموت بسرعة فأغلبيتها بيعيش 40,000 سنة بس.

لو احبب تطلع على معلومات عن القمر الارضى من هنا                على اليوتيوب من هنا

توزيع النجوم فى الفضاء

النجوم مبتنتشرش بشكل منتظم فى الفضاء لكن هى فى العادة بتتجمع في مجرات فى المنطقة اللى فيها غازات واتربة نجمية.

أقرب نجمين للأرض بصرف النظر عن الشمس هما بروكسيما سنتوري وقنطورس. وعلشان يعرفوا يسفرو بالمكوك للفضاء  دا هيستغرق حوالى150,000 سنة. والمسافات دى هى بتعتبر من المسافات النموذجية جوا أقراص المجرة ودا كمان بيحصل في محيط النظام الشمسي.

 

دوران النجم

النجم بيلف حولين خط استواء الارض وبتكون الدورة الواحدة اكبر من 100كيلومتر لكل ثانية.

على النقيض تماما بتدور الشمس مرة واحدة بس كل من25-35 يوما بسرعة 1.994 كلم/ث.

والمجال المغناطيسي للنجوم والرياح النجمية بيعمل على ابطاء معدل دوران النجم.

 

درجة حرارة النجم

ودى بيتم تحديدها وفقا لمعدل انتاج الطاقة في النجم وبيتحدد في الغالب من مؤشر لون النجم.

متنسوش تزورز قناتنا على اليوتيوب X Large Information  

 تحديد عمر النجم

كل واحد فينا بيعرف يشوف بعينه بس ممكن حوالى 6000 نجم لكن دول بيشكلو بس مجموعة النجوم القريبة منا

لكن بتبين الإحصاءيات الجديدة:

انو موجود اصلا 100 مليار مجرة وكل مجرة فى الغالب النجوم اللى فيها بتكون200 مليار النجوم

وعلى كدا يعنى فى الكون كله موجود بالتقريب كدا عشرة آلاف ترليون نجوم ودا عدد مهول جدا

تاريخ ومراقبة النجوم

النجوم كانت مهمة للحضارات من الناحية التاريخية في جميع أنحاء العالم، لأنها كانت جزء من الممارسات الدينية وكان الكتير من علماء الفلك القدماء بيعتقدوا أن النجوم ثابتة بشكل دايم فى السماء وأنها مبتتحركش.

وظهر أقدم رسم بياني للنجوم في علم الفلك المصري القديم في سنة 1534 قبل الميلاد. وأول فهرس اتعمل للنجوم في علم الفلك الإغريقي و اللى عمله هو اريستيلوس في 300 قبل الميلاد.

وعلماء الفلك المسلمين في العصور الوسطى هما اللى حطوا الاسماء العربية للنجوم واللي لسة بنستعملها لغاية دلوقتى وكمان اخترعوا الكتير من الأدوات الفلكية اللي عرفوا بيها تحديد مواقع النجوم.  وبالأضافة كمان هما بنوا أول وأكبر معاهد المراصد البحثية.

شاهد ايضا

معلومات عن الشمس الجزء 1 من هنا وعلى اليوتيوب من هنا

معلومات عن الشمس الجزء 2 من هنا وعلى اليوتيوب من هنا

معلومات عن القمر الارضى من هنا وعلى اليوتيوب من هنا

 تقسيم السنة ل12 شهر

خلينا نبدأ مفهوم الكوكبة او الكوكب نفسه بدأ فترة البابلية لأن بسبب كترة مراقبتهم للسماء نتج عنه انهم بدأءو يتخيلوا تشكل النجوم في أشكال بيشفوها في خيالهم والاشكال دى كانت حيوانات زي الأسد والحوت والحمل ومن الأشكال دي اللي هما سموها كواكب يعنى اختاروا منها 12 كوكب وشافوا أن الشمس بتلف لمدة سنة على ال 12 كوكب دول وبكدا بدأءو انهم يقسمو السنة ل12 شهر وبكدا عرفنا ال12 شهر اللى فى السنة دول حكايتهم ايه.

بس نرجع تانى لل12 شهر فالقدماء ربطوا اشهر السنة بأحداث طبيعية معينة زى فيضان النيل مثلا في كل سنة وكمان وقت بذر البذور ومعرفة كمان وقت الحصاد وربطوها كمان بحياتهم الشخصية ومن هنا نشأ علم التنجيم.

 

 النهاية

وبس كدا دا كان موضوعنا النهاردة متنساش لو شايف ان انت استفدت  سيب رائيك فى تعليق ومتنساش كمان تنضم لجروبنا على الفيسبوك هتلاقى من هنا 

وتشترك فى قناتنا على اليوتيوب من هنا

وبس كدا ومع السلامة.