معلومات عن المتحف القبطى

المقدمة

اهلا بيكم يا اصدقائى عاملين ايه يارب تكونو بخير فى موضوع النهاردة هنكلم عن اامتحف القبطى موجود فى مصر القديمة على حدود حصن بابليون

بناء المتحف  

فى البداية كدا ابتدا بناء المتحف ده ايام الفرس ولكن الأمبراطورين الرومانيين اغسطس وتراجان اضافو عليه بعض التعديلات بعد كدا اضاف عليه اللى جه بعدهم من اباطرة الرومان

دور العالم ماسبيرو فى نشأة المتحف 

لعب العالم (ماسبيرو)دور مهم فى نشأة المتحف ده لأنه عمل على جمع اعمال الفن القبطى وتخصيص قاعة ليهم فى المتحف المصرى بعد كدا طالب مرقس باشا سميكة عام 1893والشخص ده باحث مصرى قبطى وطالب بأنها  تضم المجموعة القبطية الى اهتمامات لجنة حفظ الاثار والفنون , والراجل ده فضل يجاهد لغاية لما بنى المبنى الحالى للمتحف اللى افتتح سنة 1910 واتعين اول مدير ليه اما بقا اول دليل للمتحف فاتنشر 1930 

اقسام المتحف 

خلينا كدا نتعرف على اقسام المتحف ده وهما سبع اقسام   

قسم الأحجار والرسوم الجصية

قسم تطور الكتابة القبطية والمخطوطات

قسم الأقمشة والمنسوجات

قسم العاج والأيقونات

قسم الأخشاب

قسم المعادن

قسم الفخار والزجاج

وكمان بيبلغ عدد مقتنيات المتحف ده حوالى 16000 مقتنى واترتبت المقتنيات دى حسب نوعيتها الى 12 قسم 

ومنها 

قبر من الحجر الجيري بيظهر التداخل بين علامتي الصليب والعنخ ودى من (نهاية القرن 4م)

وكمان قطعة نسيج عليها بعض الرموز المسيحية من (القرن 6م)

ونقش علي مشط من العاج بيظهر بعض معجزات السيد المسيح (القرن 7م)

تاج عمود من الحجر الجيري متزين بشكل عناقيد العنب (القرن 7م)

مسرجة من البرونز لها مقبض على شكل الهلال والصليب (القرن 13م)

الجناح القديم فى المتحف

بيضم الجناح القديم للمتحف مجموعة من قطع الاثاث الخشبية والأبواب المطعمة وجدير بالملاحظة أنه يضم الباب المصنوع من خشب الجميز الخاص بحامل أيقونات كنيسة القديسة بربارة

الجناح الجديد 

وفى مجموعة موجودة  في الجناح الجديد اللى بيظهر مختلف الأنواع ، زى التصميمات الهندسية، لفائف نبات الاكانتس وأوراق العنب، ، طواويس، طيور، والانشطة الريفية، مرورا بالتراث الهيللينستى والقبطي لغاية الصيغ الفنية الإسلامية في مصر. وبيضم المتحف القبطي مخطوطات للكتاب المقدس تعود لآلاف السنين وهو عبارة عن تحفة معماري

اتبنى المتحف القبطي علشان يسد ثغرة في التاريخ والفن المصري. المجموعة الكبيرة من التحف واللى أغلبها من ذوشأن كبير من الأهمية للفن القبطي في العالم

تشيد المتحف

اتشيد المتحف ده على أرض "وقف" التابعة للكنيسة القبطية اللى قدمتها عن طيب خاطر تحت تصرف مؤسسه قداسة المتنيح كيرلس الخامس  وأعقبه أنبا يؤنس وموجود المتحف القبطي في مكان غاية الأهمية من الناحية التاريخية فهو موجود داخل أسوار حصن بابليون الشهيره اللى يعتبر من أشهر وأضخم الآثار الباقية للإمبراطورية الرومانية في مصر،

 وبتبلغ مساحته الكلية شاملة الحديقة والحصن حوالي 8000 م، وتم تطويره بعد كدا بجناحيه القديم والجديد والكنيسة المعلقة وافتتح بعد كدا عام1984

واللى ظل المتحف ده تابع للبطريركية القبطية لغاية عام 1931 بعد كدا بقا تابع  لوزارة الثقافة.و يتراوح متوسط عدد الزائرين اليومي من 200 إلى 250 فرد من جنسيات مختلفة 

وفى النهاية اتمنى يكون موضوع النهاردة عجبكم لا تنسوا زيارة قناتنا على اليوتيوب 

https://youtube.com/channel/UCDlYZ-oKq6-lsRPczK-5NBg